適逢尋日係驚蟄，唔少人都會去打小人，趕走身邊嘅小人同衰氣，而今年嘅「小人」熱門人選仲係財政司司長陳茂波（波叔）添！點解？事關佢喺上星期發表新一份嘅財政預算案，有逾千億元盈餘，但係佢一蚊都唔派，市民梗係氣上心頭喇，有市民仲嬲到話一蚊都派唔到，寧願倒貼都要去打波叔咁話。波叔唔肯全城派錢，竟惹嚟全民打佢小人，呢啲咪叫激起民憤囉，睇佢點收科？
