聽日就係中國廿四節氣入面嘅「驚蟄」，唔少人都會按傳統去天橋底打小人，講到家陣最當打嘅小人咯喎，當然唔少得特衰政府一班高官，尤其係律政司，應告唔告，唔應告偏要告，黑白顛倒，是非不分，香港法治畀佢哋搞彎晒，唔畀市民打餐飽至奇喇。
呢，就好似壹淫媒老闆漢奸黎舊年粗言辱罵兼刑事恐嚇東方記者，「×你老母×」、「我實會搵人搞×你」、「我影×咗你嘅相」嗰單畸士，有圖有片證據確鑿，警方亦早已完成調查，但律政司拖足九個月，懶理東方去信質詢，一味研究復研究，拖延再拖延，始終唔肯對漢奸黎提出起訴，正如立法會議員話齋，同類案件邊使花咁長時間處理o架，不近情者多藏奸，如果話佢哋背後冇不可告人嘅秘密，搵鬼信咯。
又難怪大眾有咁嘅質疑，事關近年以漢奸黎為首嘅反對派，無論點樣搞風搞雨、點樣唯恐天下不亂都好，硬係得到司法保護傘庇佑，反觀愛國愛港人士就被蝦到上心口，眼淚往心裏流。大家有眼見，長毛收黑金冇事，「雙學三子」衝擊政總走得甩，之但係換轉愛國愛港陣營就冇呢支歌仔唱，七警遭速告速判，退休警司朱經緯執法變犯法，唔通愛國愛港人士好蝦啲？當中有冇選擇性檢控，有冇偏幫反對派，你話呢？
當然啦，數到最獲司法優待嗰件，又點少得漢奸黎呢條契弟吖，政治黑金案獲放生，豪宅僭建再僭建冇人理，恐嚇記者打壓新聞自由又冇事，佔中嗰筆唔使審遲早都係拖到當冇事發生，吹脹！
諗都諗到，之所以出現咁顛倒是非嘅怪現象，無非係林鄭為咗谷民望大吹和解風，於是乎反中亂港有運行，個個頭頂司法保護傘，口叼免死金牌，為非作歹照樣逍遙法外。之不過與虎謀皮嘅結果係點大家都知，同漢奸黎大和解喎，咪即係向魔鬼伸出橄欖枝，唔會感激不特止，反而會變本加厲，到時香港想唔跌入罪惡深淵都難吖。
學似一套日本動畫話齋：「想要得到啲乜，必須等價交換」，大和解就係以犧牲法治作為交換代價嘞。當局一邊為反對派打開司法保護傘，一邊將愛國愛港人士送入監獄，愛國有罪，賣港有獎，呢種倒行逆施嘅做法，擺明係蝕價交換，親痛仇快，蠢到加零一喇。
林鄭話自己聽過上帝聲音，雖然功夫茶唔知上帝點睇林鄭呢筆魔鬼交易，但都知道世上有句說話叫：「做事公正一小時，勝過祈禱五晝夜」。律政司欺善怕惡，對住狐假虎威嘅洋奴漢奸唔敢告、唔敢做，法律面前人人不平等，咁嘅大和解，全港市民都唔會收貨吖！