房屋問題係社會焦點，但無政治背景嘅公屋聯會距離政治核心太遠，對政策影響力褪色，所以文裕明想一改作風，積極派人參選。
成員掛聯會牌頭出戰機會微
據了解，佢哋更已準備咗唔少掛有聯會牌頭嘅宣傳物品，諗住交畀會內區議員同地區人士，以公屋聯會身份出戰明年區選。
不過，呢個如意算盤似乎無法打響，皆因聯會成員中，大部分同時係民建聯同經民聯兩大建制政黨成員，有區議員講明，區選講求選舉資源，公屋聯會嘅支援難同政黨比較，質疑到時有幾多人會以聯會牌頭掛帥出戰。此外，民主派同建制派兩大陣營喺選戰中爭持激烈，相對親近建制嘅公屋聯會要協調成功插旗，更係難上加難。