政情：睇好五人足球發展 陳沛然恨攞教練牌
鍾意踢波鍾意到話自己其實係足球員、興趣係做醫生嘅醫學界立法會議員陳沛然（Pierre），最近連室內五人足球都踢埋一份。Pierre話，足球喺香港已經興咗好耐，香港想做得更加好係好困難，如果要有突破就應該搵啲新興運動嚟發展。佢仲話，唔排除遲啲去報名修讀室內五人足球教練牌咁話，睇嚟佢都幾睇好室內五人足球發展喎。
參賽做後備 當練體能
Pierre近期就跟一班後生仔報咗名參加香港足球總會一個室內五人足球賽，雖然只係做後備，但佢就話當練吓體能同學吓嘢，有得落場踢到兩、三分鐘都好喎。
Pierre又話，足球喺七、八十年代開始已在本港興起，都好難做得更好，所以應該發展啲新興運動，例如室內五人足球，需要用嘅地方就冇咁大，所以都適合喺香港發展咁話。