新一份財政預算案為明年中學文憑試（DSE）嘅所有考生免繳考試費，引嚟全城哄動，網民紛紛話要報名去考，部分仲講明係去「玩嘢」。DSE係好重要嘅公開考試，關乎一眾學生入唔入到大學，依家好大機會因為政府嘅派糖措施考慮得唔夠周詳，考試隨時出現大混亂，萬一有人喺考場考試期間發出巨大聲浪，或者喺口試時講粗口，甚至可能會影響埋應屆考生成績，到時唔知教育局局長楊潤雄可以點收科嘞！
