網傳「玩嘢實錄」 真考生聽到想喊
【本報訊】中學文憑試免繳考試費。消息一出，大批網民即聲稱要組隊報考搗亂，網上甚至流傳一份「玩嘢實錄」， 由一名自稱教師巨細無遺地輯錄過往監考時見過的考生「玩嘢」行為！考試及評核局回應指口試主考員發現任何壟斷或違規會適當跟進及於試後填寫報告，任何違規或行為不檢，會遭降級甚或取消科目成績。
「冇成本又可以玩」
擬免考試費消息公布後，網上極大回響，有人不滿預算案建議狠批財爺「亂使錢」，故要搗亂試場「示威」；亦有人不滿自己當年應考時要付費，揚言要報復，「冇成本又可以玩」。
網民度出不同「擾敵」做法，有人呼籲「着住大學Tee去考試」、「借件大學神科衫」，誓要令其他考生「睇見都驚呀」。又有人提出「着地盤反光衫應考」、「一開考就舉手要求加紙」，甚或在中、英文口試時，說粗口或長霸發言時間。
有自稱監考文憑試多年的中學老師貼上「玩嘢實錄」，呼籲大家不要學。貼文指過往「玩嘢」考生多是處於放棄狀態的學生或自修生，「有啲口試一開波就係咁講粗口，其餘考生要安排後備日子重考；有啲考生就壟斷發言，講足兩分鐘考官出聲都唔肯停，結果其餘考生又重考」。又有考數學科「玩嘢」考生「拎部計數機大大聲拍落去嘈其他考生」外，亦可能「扮忍者龜」，帶同大型T字尺入考場後成日跌文具。
有自稱一九年的DSE考生網上發貼，說得悉大批網民想干擾考試後「聽到想喊」，擔心多年來的努力會付諸東流，慨嘆網民「點解咁黑心」，並懇求高抬貴手。