農曆新年期間，唔少善信為求積功德祈福，都會將各種海洋生物放生，殊不知好多魚適應唔到之餘，反而成為大魚嘅點心，「放生」變「放死」，好心做壞事。當然喇，相對律政司放生洋奴漢奸賣港賊，搞到成個香港黑白顛倒，人鬼不分，呢啲只不過小兒科咋！
好似壹淫媒老闆漢奸黎舊年六四燭光晚會以粗口辱罵兼刑事恐嚇本報記者，「我實會搵人搞你」、「×你老母×」，公然踐踏新聞自由，仲惡過黑社會收數佬，成個過程有圖有片有真相，引發全城憤怒。唔經唔覺事件過咗差唔多九個月，新、舊曆年都過埋，警方亦早已完成調查，點知律政司竟然零反應，唔係玩包庇放生又係乜嘢呀？
唔係咩？呢單畸士案情簡單不過，漢奸黎身為傳媒老闆，居然恐嚇記者，已經係知法犯法，罪加一等；更加唔使講成單嘢有齊晒人證物證，特別係原汁原味嘅現場片段，有啲人真係吟詩都吟唔甩。大家都知，香港地班法官大老爺判案好多時都係靠「眼見為實」，好似之前又係有人被控恐嚇本報記者，雖然有晒環境證供同證人，最後仍然因為「閉路電視影唔到」而脫罪，今次漢奸黎爆粗恐嚇記者段片，佢猙獰嘅面目、兇惡嘅態度纖毫畢現，照計律政司夠晒料做嘢，結果又係拖到依家都冇下文，話當中冇蠱惑嘢，三歲細路都唔信喇！
之不過咁，對於司法保護傘包庇漢奸黎，市民早已見怪不怪。第樣唔講，淨係壹淫媒宣淫犯賤罪成嘅紀錄就多達百幾次，直頭厚過本電話簿，司法機構居然次次高高舉起，輕輕放下，難怪壹淫媒有恃無恐，愈淫賤愈快樂。仲有，其他人捲入僭建問題，有司第一時間上門跟進，反應仲快過打針，唯獨漢奸黎被指大宅僭建再僭建，居然冇人吹得佢脹，講到底咪就係因為保護傘發功囉。
司法當局對漢奸黎關照有加，除咗因為佢手握輿論機器，想咬邊個就咬邊個，因此投鼠忌器，最關鍵仲係買咗佢背後嘅外部勢力怕，係人都知佢係外部勢力豢養嘅走狗，收受佢黑金嘅政客則係走狗嘅走狗，而黑金嘅經手人，正正係有美國海軍情報背景嘅漢奸黎洋助手，唔怪得港府放生黑金大案。最離譜嘅係，一場佔中，以漢奸黎為首嘅幕後黑手至今毛都冇少一條，反而七警及退休警司朱經緯等，卻要面對牢獄之災，執法變犯法，犯法變英雄，有咩法子唔令人心寒吖！
一句講晒，反中亂港金腰帶，愛國愛港墊屍骸。回歸二十年，人心愈走愈遠，家陣知點解喇！