財政司司長陳茂波（波叔）早前自爆盈餘較預期高，令外界以為佢會喺月底嘅新一份財政預算案開倉派米，但日前被問及會唔會派錢，佢話要「諗諗先」，更暗示唔會為公屋住戶代繳租金。其實有會計師團體早前估計政府盈餘逾一千五百億元，唔止係庫房水浸咁簡單，更形容係小海嘯，波叔竟然唔係諗法子去排洪，反而封定後門，勢必激起民憤，自己攞嚟衰喇！
