政情：八網難逃：模型莫乃光禿頭？
農曆新年家家戶戶都忙住去拜年，唔少議員就喺Facebook同市民拜個好年。立法會資訊科技界議員莫乃光（Charles）就趁假期去咗首爾旅行，遊山玩水飲米酒，佢今年亦搞搞新意，派出小分身嚟拜年。但有網民就留言話「個小小光頭髮好反光」，唔通小分身有禿頭？
燈光效果影響
Charles喺Fb上載一段十四秒短片，話要同佢嘅「little me」一齊恭祝大家，膽大心細、大小通吃！睇真啲原來係一個Charles嘅3D立體模型，而網民所講嘅反光位，其實只係頭頂打燈效果嚟o架啫，唔係禿頭。
另有眼利網民一眼就睇出Charles褲袋有部電話，像真度極高，有人更戲稱以為係真人，又讚Charles仲型過球星碧咸喎。