接連情人節同年三十晚，唔知係咪被節日氣氛影響，立法會議員周浩鼎主持政制事務委員會嘅時候竟然連番甩轆，喺討論平機會嘅工作報告時，未有申報自己係平機會委員，又想就議題投票，結果被其他議員質疑同批評，佢先急急多次道歉，立刻改正申報利益同唔投票。利益申報係議員基本功，周浩鼎咁失魂落魄，莫非係諗緊送乜花畀老婆？定係研究緊今晚去邊度食團年飯好呢？
