政情：蔡堅大病初愈 新年無啖好食

患胃扭轉 傷口仍滲血

蔡堅上周喺Fb上載身在深切治療部丶病入膏肓嘅相片，透露患上本港唔太常見嘅「胃扭轉」，胃部移位至橫膈膜上，兼且嘔血，需入院接受四小時手術。蔡醫生尋日又再喺Fb更新個人狀況，上載咗張相係佢半躺窗邊歎日光浴，同上周臉容瘦削比較，完全判若兩人。

蔡醫生解釋，事關佢上周留院期間胃部曾出血達3,000cc，身體缺水之際，身形亦隨之「縮水」，出院後身體已慢慢復原，但未算好番晒，現時手術嘅傷口仍會滲血同隱隱作痛，行大步啲都有困難，身體唔能夠有大動作活動。