西九管理局早前委任咗位美籍人士做表演藝術總監，引起八和會館主席汪明荃（阿姐）不滿，質疑點解唔搵熟悉粵劇發展嘅本地人做，但係就畀西九管理局主席唐英年反插佢涉嫌種族歧視。阿姐尋日又喺電台發炮，批評西九文化區戲曲中心開幕禮並非由八和負責，係唔尊重八和及本地粵劇業界傳統嘅表現，直斥西九對佢哋係「有事鍾無艷，無事夏迎春」。戲曲中心都未開幕就有咁多好戲睇，政府搵唐英年領導西九真係搵啱人！
