流感大爆發，唔少人中招，亦已有兩名小童死亡，為免小童因接觸而受到傳染，教育局尋日公布幼稚園同小學今日起停課，局長楊潤雄仲話學校會繼續開放畀學生返去，但無論學校、教師、家長同校巴司機都鬧爆停課決定倉卒，搞到好混亂，尤其係在職嘅家長，由於小朋友突然提早放農曆年假，仔女喺屋企冇人湊都唔知點算好。難怪班家長（興）過辣雞，事關喺咁短時間，安排唔到點接手，楊潤雄係咪想班家長獨留兒童在家吖？
