中環出更：泛民初選「屈基」 王國興追殺朱凱廸
話說立法會四席補選提名期開始前，泛民經過初選後，曾發生「屈基（逼退民協馮檢基）」事件，「廿三萬監察」發言人王國興採取追殺行動，尋日到北角廉署總部投訴立法會議員朱凱廸涉迫退馮檢基，懷疑佢觸犯《選舉（舞弊及非法行為）條例》第7 （1）條。
向廉署投訴涉違選舉例
王國興尋日聯同該組織嘅成員一齊到廉署投訴，話根據泛民初選協議機制，馮檢基原本係「Plan B（後備人選）」，以防現時泛民支持的參選人立法會前議員姚松炎被DQ（取消參選資格），但朱凱廸就逼馮檢基，又引述朱凱廸曾提到唔同意Plan B補選，因為會導致大家都會輸，又希望搵Plan D代替馮檢基，發動輿論攻擊，對馮檢基人身攻擊，馮檢基礙於被脅迫，因而宣布唔會參選。
佢強調參選權係港人嘅權利，不容被剝奪，質疑朱凱廸涉違反《選舉（舞弊及非法行為）條例》第7 （1）條，促請廉署介入調查，以維持選舉嘅公正。姚松炎係立法會九龍西補選嘅候選人，同區候選人包括民建聯深水埗區議員鄭泳舜同獨立參選人蔡東洲。
卓妮