中環出更：政治上割席 林子健自認泛民棄卒
喺舊年八月聲稱自己被擄走，最後被警方以涉嫌誤導警務人員罪拘捕、後改控向警員虛報有人犯罪嘅民主黨成員林子健，尋日喺社交網站撰民「說出心底話」，稱被泛民放棄同自認係「卒仔」，又指自己現時本應喺美國耶魯大學就讀，反問自己點解會落得如此田地。
踢出司法保護傘外
「雙學三子」香港眾志主席羅冠聰、秘書長黃之鋒同學聯前秘書長周永康一四年衝擊政府總部東翼前地案終極上訴得值，「雙學三子」獲釋，毋須再入獄。呢件事令林子健有感而發，佢喺網上撰文話自己並唔係「抽水」，又指自己現時冇國際支持，被泛民放棄，「或者叫暫時性政治上割席」。
外界一直認為泛民有司法保護傘，林子健今次說出心底話，等如踢爆泛民唔會以司法保護傘協助佢呢個「卒仔」，猶如棄卒，難怪佢對官司打定輸數，話自己此刻應身在美國耶魯大學，反問「為何我會落得如此田地？」
卓妮