政情：公民講場：蘇偉文想加咪錶收費被轟「無政治智慧」

運輸及房屋局早前建議提高違例泊車嘅定額罰款金額，惹來各界狂轟，認為應先解決香港泊位不足嘅問題，政府最後被迫跪低收回建議，只敢調高有關喺禁區上落客嘅罰款額。言猶在耳，運房局副局長蘇偉文尋日又向立法會提議大增泊車咪錶收費，再次遭到議員狠批。就連屬建制派嘅經民聯主席盧偉國，都質疑政府冇政治智慧。