房屋協會尋日公布轄下嘅出租屋邨會喺四月一日愚人節起加租百分之八，加租幅度又係跑贏通脹，租戶鬧爆係百上加斤，有議員更直斥房協唯利是圖，但房協行政總裁黃傑龍解畫時仲話，實際要加租百分之十二先可以收支平衡，而呢個加幅已考慮到營運成本同居民負擔能力嘞！真係你有你鬧，佢有佢繼續吹大條數，咁講，係咪叫租戶預先儲定錢嚟畀房協加租呀？
