政情：公民講場：船廠霸海出租艇位地署海事處踢先郁

被連環踢爆船廠霸海出租遊艇位圖利後，地政總署同海事處拖咗一排，尋日先去白沙灣拆浮泡，點知呢頭拆完收隊後，即刻有人推介「月租浮泡」套餐。竟然有人咁明目張膽做呢啲違法勾當，根本係因為相關部門冇嚴厲執法，畀人當係冇牙老虎囉，都怪地政總署署長陳松青同海事處處長鄭美施對問題一直視而不見，仲要踢先郁，簡直係辦事不力，佢哋遲早畀人踢走。