中環出更：容海恩緋聞多 袁彌昌變男主角
新民黨立法會議員容海恩緋聞不斷，早前就同網媒總編容樂其走得好埋，又試過被人踢爆遭議員吳永嘉約食飯，而尋日又新增一名男主角，就係同屬新民黨嘅政策總裁袁彌昌，而兩人答覆都非常曖昧，到底孰真孰假？
容海恩過去就唔太講感情事，只係對外宣稱有拖拍，但佢上年四月份時就曾經透露，男友為專業及資深行政人員協會（專資會）成員，又曾經列出揀男友要睇變態戲喇，雖然為真命天子提供線索，但緋聞仍然不絕。
兩人回應相當含糊
至於袁彌昌今年先加入咗新民黨，至今啱啱先夠半年，而佢回應有關傳聞時，就只話「不嬲有一齊出吓街咁囉」，而容海恩亦答得同樣含糊，只稱「有拍拖，唔講係咪袁彌昌」，兩個都答得相當耐人尋味。不過，袁彌昌並非專資會成員，除非兩個感情只係開始咗無耐喇，但就有熟悉佢哋嘅人就表示未聽過，唔通見假期太靜博見報？
卓妮