機舖冧招牌 最重傷者好轉
【本報訊】機舖冧招牌傷人，街坊出街「有陰影」。油麻地南京街一間遊戲機中心前日（25日）聖誕節塌招牌，壓傷三名途經南亞裔男子，三人昨日仍在醫院留醫，其中傷勢最重、留醫深切治療部的卅六歲男子好轉，現情況嚴重，其餘兩人（廿六及卅一歲）則情況穩定。
街坊留陰影 出街步步驚心
肇事招牌的殘骸前日已被移走，地上石屎碎片亦已清理，遊戲機中心昨晨九時如常開門營業，但男負責人對事件三緘其口，拒絕作任何回應。有街坊則坦言意外後留有陰影，出街時步步驚心，直言：「以前驚行得太出畀人高空擲物掟中，依家行簷篷底都驚畀招牌打中。」有街坊則指區內殘破招牌多不勝數，幾乎「條條街都有」，實在防不勝防，希望政府加強規管，盡快拆除危險招牌。