政情：公民講場：林超英數新空管事故 鬧爆民航處

新空管系統千瘡百孔，啱啱喺平安夜前夕又再發生準備起飛嘅客機險炒橫過跑道貨機事故。天文台前台長林超英尋日就喺網誌鬧爆由李天柱領導嘅民航處，仲數咗多個「幾乎撞山」嘅事故，包括喺九月有架貨機過早轉彎，喺大嶼山老虎頭上空以五百呎嘅距離飛過，低過國際規定。林超英狠批，民航處表現軟弱無力，事件發生之後直頭冇晒影，追查唔急唔嚴！佢仲話，香港冇可能永遠都逢凶化吉，認為如果民航處再係咁落去，唔通要「見到棺材先流眼淚」咩，認為政府應敦促民航處為空中安全嚴肅把關。