要聞港聞
政情:今日你上鏡:黃成智愛子畢業 暫留美工作
黃成智、黃成智囝囝
每逢有立法會選舉或補選,大家就都會諗起屢敗屢戰嘅「中間超人」前立法會議員黃成智。低調咗一排嘅佢,近日終於有新消息傳出,不過今次佢唔係宣布參選新界東補選,而係佢喺美國讀書嘅愛子黃文軒畢業喇,佢同太太仲專程飛咗去美國出席囝囝嘅畢業禮!
黃成智喺Facebook上載多張囝囝嘅畢業相,長期病患嘅太太捧住花束上鏡,精神相當唔錯,唔少網民見到都留言恭喜佢哋。黃成智透露,囝囝暫時唔會回港發展,因為已經喺美國搵到工,起碼要兩至三年後先會考慮返香港。
第一手消息請下載on.cc東網iPhone/iPad/Android/Windows Phone Apps