政治既是眾人之事，而眾人之事，講到尾最緊要係搞好經濟，令市民大眾有工開有飯食，衣食足而後知榮辱是也。最近，英國財政大臣夏文達表示，前首相卡梅倫將負責英國參與中國一帶一路的投資基金，涉資七點五億英鎊，看來不過是小試牛刀，據英媒透露，卡梅倫的主要任務是跟中國政府打交道、拉關係，為「英中基金」創造更好的投資機會。
無獨有偶，日本傳媒報道首相安倍晉三對華政策出現轉向，從對中國充滿圍堵、對抗的意味，改為認同一帶一路，希望可以搭吓中國經濟持續增長嘅順風車。小日本又點會死錯人啊，眼見美國總統特朗普政策搖擺不定，一時退出呢樣，一時唔玩嗰樣，令安倍冇晒信心；更何況老美與中國談妥逾二千五百億美元的大生意，回到白宮不久即詆毀中國是修正主義國家，再信特朗普一成，真的會雙目失明。機不可失，時不再來，還是要向現實低頭，趕搭一帶一路順風車，為日本低迷的經濟打支強心針，起碼可以創造就業機會。
有網民直斥安倍厚顏無恥，之前對一帶一路不屑一顧，家陣自己「三支箭」射唔到經濟紅心，又掉轉頭話要加入，做首相講嘢咁反口覆舌，唔覺得瘀嘅咩？亦有網民國仇家恨湧上心頭，要日本先向南京大屠殺死難者道歉、承認釣魚島是中國的、燒咗靖國神社等等。
習近平眼光遠大，一帶一路是偉大的構思，北京要開創出一條大國外交新路向。習近平告訴世人，中國秉持共商共建共享的全球治理觀，倡導國際關係民主化，堅持國家不分大小、強弱、貧富，一律平等，中國將繼續發揮負責任大國作用，不斷貢獻中國智慧和力量。中國打造「人類命運共同體」，其中一帶一路的倡議可說是催化劑，如今已經發揮無窮力量，香港一些反對派仍唱淡甚至唱衰一帶一路，充分凸顯其無知！