港大校長馬斐森離任在即，近日向港大師生校友發表年終總結及臨別贈言，據聞唔少人對有關內容都有所不滿，其中被視為親泛民嘅港大教師及職員會主席張星煒批評，馬斐森對港大校委會、港大副校長任命風波等事件隻字不提。另一邊廂，政圈公開嘅秘密係建制派陣營對馬斐森心中有氣，特別係身兼律師嘅立法會議員何君堯多次去信狙擊馬斐森，不滿對方冇懲處違法佔中發起人、港大法律系副教授戴耀廷。馬斐森臨別秋波都四面楚歌，真係左右不是人，兩面唔討好嘞！
