修改《議事規則》火速通過，建制派大獲全勝，反對派一敗塗地後老羞成怒，除了惡毒辱罵建制派議員及主席梁君彥外，更揚言要「百倍奉還」，行動會比拉布更激云云。然而，一切都係反對派咎由自取，先有小學雞宣獨辱華鬧劇，再有四名議員被ＤＱ，自己玩嘢玩死自己。
反對派輸到四腳朝天，自我解嘲甚麼「建制派議席多而民主派得票多」。唉，事實擺在眼前，反對派近幾年來係又拉布、唔係又拉布，拉到天怒人怨，最後連民心都被拉掉。呢下先至攞命！好明顯，修改議案通過後，反對派如喪考妣投訴主席不公，稱建制派打茅波云云，他們一度發起帳篷「圍困」立法會行動，企圖重演佔中一幕，誰知只得小貓三數隻，唔好話圍立法會，連圍個垃圾桶都有難度！
反對派議事堂內輸咗，議會外亦輸晒，除了聲援者少，民間團體、學者也不見有聲明譴責建制派，反而建制派不但在議會內贏人贏陣，議會外亦多見公眾的支持，民調大比數支持剪布。反對派可謂失盡民心，輸得好難睇！甚麼「百倍奉還」，恐怕只會是「千倍醜態」，再搗亂、再失敗。
反對派輸咗民心，爛果報還以不合時宜的數字為泛民鼓吹，甚麼泛民才是大多數市民的代表，自回歸以來泛民在直選中都得到近六成選票。然而時易世變，市民眼見反對派一味拉布無理取鬧，卻坐享高薪厚酬，又豈能沒有怨言？即使建制派剪布成功，如果在議事堂又係庸庸碌碌，老朽相信市民也不會對其一味叫好。林鄭話佢做咗政府三十七年，呢個政府無論上一屆呢一屆，佢哋都唔會做啲損害市民嘅工作。老朽未敢苟同，好似本報過去多年就遭到政府不同部門嘅打壓，今屆政府眼見本報記者受到漢奸黎粗暴恐嚇，竟然又當冇事發生！試問如何令老朽相信政府唔會做損害市民嘅工作？是以言行不一，講乜都假。