香港推動垃圾分類回收多年，成績一直差強人意。環保署同環境運動委員會推出乾淨回收宣傳活動。出席活動嘅環境局局長黃錦星就話，香港推行乾淨回收成效一般，市民將好多不能回收嘅紙廢料如用過嘅紙巾都放入回收箱，又話市民唔應該整濕或整污糟啲廢紙，回收紙皮前要撕走紙皮上嘅膠紙等。香港單係垃圾分類都做得唔好，回收箱都淪為垃圾箱，黃錦星仲想叫市民潔淨分類，不如做好垃圾分類嘅宣傳教育同配套先啦！
