政情：快卸任港交所主席周松崗計劃玩個夠
港交所主席周松崗明年四月任期會屆滿，佢早前出席一個晚宴時就話，任期即將屆滿係公開嘅事。至於之後係咪得閒啲，周松崗就話其實仲有好多工作要做，公職同私人工作都有，包括有行政會議同馬會等。雖然卸任港交所主席一職後，時間的確會多咗，但都唔會好得閒喎。而周松崗最希望就係去玩多啲，佢話因為年紀都大，想把握時間玩喎。
行路多 少用長者乘車優惠
周松崗自爆依家已經六十七歲，夠晒年齡享受長者優惠，包括只要年滿六十五歲就可以享有嘅兩元搭車優惠，不過佢就冇乜點用咁話。身為港鐵前行政總裁，唔通都唔搭公共交通工具咁唔環保？原來佢唔係搭得多私家車，而係平時都係行路多喎。
外界盛傳金融發展局主席查史美倫可能會接任。周松崗被問到查太係咪合適人選時就話唔評論喇，叫大家不如自己去問下查太喎。