政情：公民講場：運署混帳 科技落後補鑊慢 市民搵位泊車難

運輸署網站提供的泊位資訊，就被踢爆仲用緊人手更新，搞到泊位資訊有以小時計嘅「時差」，即係駕車去到停車場時，個位可能已經被人泊咗。近年港府力推創新科技，但係部門就遲遲未能落實，好似今次嘅泊位系統就係超過十年以上嘅舊系統，該署尋日先急急補鑊話明年會逐步更換可實時更新嘅新系統。距離明年只餘下大半個月，唔知所謂嘅「逐步」係搞幾耐喇，分分鐘換到年底都未定，駕駛人士都係自求多福好過。