立法會正就修改《議事規則》大打出手，金融服務界議員張華峰（肥老闆）尋日就出動朋友送贈嘅西班牙火腿再配蜜瓜請大家食，實行肥豬腿打人牙骹軟。講到近期股市上上落落，陰陰濕濕，問肥老闆有冇貼士畀大家，佢就好淡定咁話依家只係經濟上嘅波動，「出年嘅股市實會比今年好」喎。似乎肥老闆都幾睇好明年股市，但恒指上唔上到三萬點呢？佢都只係笑笑口叫大家食嘢，唔通佢都未睇得透？抑或驚睇錯市變做「燈神」呢？
