Party Life：商囍臨門：仁濟醫院總理嫁女

臨近年尾，城中嫁娶喜事特別多。早前仁濟醫院總理鄧國樑嘅長女出嫁，婚宴設喺九龍一間五星級酒店，數百名慈善界及商界好友齊齊去飲，見證一對璧人新婚之喜，順道沾喜氣。

鄧國樑太太鄧李錦雲（中）榮升新外母，佢嘅鄰居包括香港福建同鄉會永遠名譽會長莊哲猛太太駱英英（左一）、做健康產品生意嘅宓琪其（左二）、「歐洲時裝女王」周雪（右一）及仁濟副主席王賢訊太太朱穎詩（右二）拉隊去送上祝賀。

圖二	仁濟主席嚴徐玉珊（左起）、前主席蘇陳偉香、總理史顏景蓮同孫蔡吐媚最近出席好多喜宴，忙上加忙。	當日咁啱係仁濟總理蔡寶健（右）嘅太太Annie（左）牛一，所以兩人到賀後即轉場開生日派對。
博愛醫院主席彭少衍夫婦（中及右）都有去飲，仲趁機力邀詠春高手冼國林嘅太太羅寶兒（左）幫博愛籌款。