唔講唔知，組織人蛇偷渡已經成為繼軍火走私、賭博、色情、販毒後嘅「世界第五大犯罪行業」，原因一字咁淺，就係受非法暴利驅使，好似香港假難民問題咁，如果香港唔係佢哋眼中嘅掘金天堂，派八人大轎去請，啲假難民都唔會睬你喇。
呢，粵港警方就打擊跨境偷渡喺深圳召開第五次聯合工作會議，成果非常之鼓舞人心，舊年二月至今年十一月嘅二十一個月內，廣東、廣西、雲南三地警方一共查獲涉及東南亞、南亞籍人蛇及黑工約六萬七千多人，其中企圖偷渡來港嘅案件達二百九十多宗，涉及三千四百多名人蛇，另搗破偷渡集團五十多個，抓獲境內外蛇頭一千多人。同一期間，香港查獲南亞偷渡人員二千八百多人。一句講晒，內地反偷渡成績巨大，「有力壓制人蛇經內地來港勢頭」。
即係咁，過去一段時間偷渡來香港嘅人蛇顯著減少，原因唔係佢哋對香港失去興趣，更加唔係港府打擊得力，而係內地當局採取「陸上堵、海上截、口岸查」等等措施，築起邊防長城，布下天羅地網，而香港只係喺第四權堅持不懈監督之下，先至加快鑑別程序，如果唔係，數萬人蛇一齊殺到嚟，香港唔陸沉就奇嘞。
但俗語講得啱，殺頭嘅生意有人吼，賠本嘅生意冇人做。內地點打擊偷渡都好，邊境長城點堅固又好，如果香港繼續中門大開，人蛇來港嘅誘因仲喺度，偷渡活動就會野火燒不盡，春風吹又生。再講吖，淨係賴死喺香港唔走嗰班「存量」嘅南亞兵團啫，佢哋作奸犯科，無惡不作，只有你諗唔出，沒有佢做唔到，販毒、偷竊、搶劫、打架、非禮、強姦都係小兒科嘞，殺人放火至係大劑，呢個社會治安毒瘤唔盡早割除，市民始終冇安穩覺瞓，香港始終冇運行嘅啫。
大家睇到喇，啲假難民因為膽正命平，已經成為本地黑幫嘅重點招攬對象，家陣發展到日光日白喺天橋底設壇收兵，有冇誇張啲吖。呢班大帝時不時為爭奪地盤同利益互相砍殺，血肉橫飛，警方開槍都制止唔住，可能有人以為由得佢哋自相殘殺咪好囉，之不過世上有樣嘢叫做城門失火，殃及池魚，好似日前發生嘅元朗鐵皮屋縱火殺人案咁，兩名無辜住客被活活燒死。沒有人係孤島，不要問喪鐘為誰而鳴，類似嘅悲劇，隨時可能發生喺香港每一位市民身上。
一日最衰都係港府，先係假仁假義，引狼入室，家陣香港被搞到七國咁亂，民怨沸騰，但當局繼續唔嗲唔吊，既唔退出國際難民公約，又唔重設禁閉營，淨係獨沽加快甄別程序一味，問題只會沒完沒了。仲有嗰班無良政客，手指拗出唔拗入，一味為虎作倀。你話嘞，內地幫手堵截人蛇南下，香港就繼續縱容假難民，如果呢啲就叫做「一國兩制」，咁就不如唔要好過。