法庭原本尋日就香港眾志秘書長黃之鋒等人嘅佔旺藐視法庭罪判刑，而黃之鋒喺開庭前不斷為自己倒數，話自由只剩番百多分鐘，跟住連聖誕、元旦都要喺獄中度過，再加上明年一月會就衝擊政府總部上訴開審，隨時又再入獄，然而法庭最後決定押後判刑。雖則唔使即時返入監倉，但黃之鋒亦唔好開心得太早，事關法官隨時又會開庭判刑，佢有可能又會即時收監，佢依家嘅情況簡直係吊吊揈呀！
