政情：漢奸黎係白鴿黨特邀顧問?

三黨員聯署斥黎臭名昭著

白鴿黨黨員楊錚、陳德明同羅國強聯名發信畀全體黨員，直指黨內從政人士、立法會議員同漢奸黎嘅私人關係從密，但唔應該影響白鴿黨政綱嘅貫徹執行同決策，又唔應該影響黨喺道德文化價值上嘅立場，更唔應該因為漢奸黎資助過白鴿黨而被束縛，搞到要自我審查，直指漢奸黎嘅聲譽同人品臭名昭著係全港皆知。

佢哋又喺公開信話反對同唔希望白鴿黨立法會議員、中常委同中委，每當有關黨嘅決策、選舉事宜等大問題，都先同漢奸黎、「民主阿婆」前政務司司長陳方安生等人商討或內定，之後先放番喺黨內象徵式討論，認為黨有黨格嘅尊嚴，要求白鴿黨主席胡志偉公開宣布，到底漢奸黎同民主阿婆係咪暫不公開或不宜公開嘅黨員，甚至係咪黨嘅特邀顧問？

黨政分工難產 賴門檻太高

咁啱白鴿黨尋日正式召開特別會員大會投票「黨政分工」，結果有一百四十五票贊成、七十八票反對、一票棄權，雖然支持佔大多數，但由於支持嘅百分比只有六成半，距離修章門檻嘅七成半仲有啲距離，所以最後都分唔到。

胡志偉喺會後透露，唔少黨員提出唔少意見，覺得立法會議員唔可以出席黨主席，會令日後搵黨主席人選時欠缺彈性同空間，同埋對黨魁、黨主席嘅分工都有意見，又話今年出席大會同投票嘅人數，比上年投黨政分工嘅意向仲要有多啲，覺得今次難產係因為門檻高。真係咁？抑或今次難產又係同漢奸黎攪局有關呀？