【本報訊】男女租客準時交租，業主大讚好人，卻成火警中冤魂。案中男死者陳嘉謨，與持雙程證來港的女死者朱紅霞同住一間石屋，現場消息稱，兩人為夫婦關係，街坊指朱平時操普通話，偶爾會在村內高聲唱國語歌，姓鄧業主大讚他們：「呢兩個係好人嚟o架，兩公婆都好好人，租咗喺度三年o架啦，個個月好準時交租，不過我唔知佢哋兩個做乜嘢（職業）」。他又痛斥：「嗰啲南亞人喺度搞搞震，又唔畀租又唔畀水電費」。
鄧提起遭縱火的鐵皮屋，一臉憤怒地說：「我租咗啲屋畀個姓梁嘅女人，佢有香港身份證o架，住咗喺度十幾年o架啦，之前同佢老公一齊喺度住嘅，之後佢哋離咗婚，佢就繼續喺度住，仲劏開幾間房轉租畀啲南亞人添」。
鄧直斥：「嗰啲南亞人喺度搞搞震，又唔畀租又唔畀水電費，搞到啲治安差晒，近呢半年個女人（二房東）又唔交租又唔畀水電我，我都搵佢唔到，警察都搵佢唔到，我都唔知發生咩事」。
租客李先生表示，他以月租二千多元租住一間劏房，聽到有南亞人不時在晚上叫囂及嘈交，亦有部分會吸毒，品流複雜，因此他早已打算搬離，詎料未搬走已發生火警。對於有指不時有南亞裔人士經人介紹入住劏房，李指：「有人窿路係比較多，會有啲南亞人係搵佢」。
另外，一名持香港身份證的南亞裔男住客稱，知道經常有南亞漢在鐵皮屋內吸毒，變成「毒品飯堂」，他們大多持「行街紙」，有時會在附近偷單車後變賣，再用贓款買毒品，又指知道有南亞住客已經半年沒有交租。