今年由莫乃光揸莊嘅非建制派近期接連出招拉布，包括自決派議員朱凱廸嘅「怪招」，引用回歸以來從未用過嘅議事規則拉布，加上其他議員指定動作，點算法定人數及積極發言拖延時間，搞到議會完全失序，尋日大會再次流會收場。或許見到立法會搞成咁都好心痛，立法會前秘書長吳文華尋日罕有建議疑似紅牌機制，若然唔在席而導致流會議員，應該被罰扣人工，唔知非建制派議員為荷包着想，會否回頭是岸呢？
