感情生變 專家倡訂期限同解決
【本報訊】愛侶之間倘有第三者，處理不當不但易釀衝突，更甚者還會釀成血案悲劇收場。香港家庭及事業發展服務訓練總監司徒漢明表示，夫妻及同居男女一旦出現第三者，兩人要就問題「坐低慢慢傾」，切勿訴諸暴力，應找出問題癥結，共同商討並找出解決辦法，共同努力實踐，並應訂立一個解決問題的期限。因為若有一方「懶懶閒」，另一方無了期獨自付出，便會逐漸心生怨恨，當積累至一定程度便會「爆」。如超過限期仍未解決問題，可尋求如社工等專業人士輔導疏解矛盾。倘若以上方法均無效，雙方便應該分開。司徒漢明坦言：「其實分開都係一條出路，無謂為咗一個唔愛自己嘅人拖住自己，亦都唔好因為呢段關係綁住自己，令自己搵唔到真正嘅幸福」。
情緒到臨界點 宜暫停討論
司徒漢明又指出，兩人商討問題時，應盡量保持理智「攤開嚟講」，用溝通疏解矛盾。一旦發生爭吵，應避免說一些侮辱及傷害性說話，當事人亦應留意自己及對方的情緒，倘發現其中一方情緒已到臨界點，另一方最好暫時離開，待雙方冷靜及回復理智後再處理問題。
另外，若知道對方有暴力傾向，見對方情緒開始變化，便應及早停止罵戰。他認為愛侶爭吵屬平常事：「每個人都會嗌交，最重要係之後要識修補關係，例如可送小禮物氹番對方，畀佢知其實係錫佢嘅。」
至於案中女死者的一對子女，頓失母親及「哎吔父親」，司徒漢明形容事件慘痛，會對他們的心靈帶來巨大打擊，「佢哋自己好難處理呢個心理陰影，建議佢哋要搵專業人士輔導」，度過此傷痛時刻。