有主張港獨嘅團體再喺各區校園門外派發港獨單張，教育局事後除咗重申港獨違反一國兩制同《基本法》，但係實際行動呢，就話學校管理層對處理政治化事件已經有經驗，當局相信校長同老師可以搞得掂，講得白啲，即係將成個波交畀校方。被外界鬧爆後，教育局深夜發新聞稿，話好關注有組織向學生宣傳「港獨」，又話宣傳港獨明顯違反《基本法》，呼籲教育界遏止港獨分子向學生傳遞違反《基本法》嘅訊息。局長楊潤雄擺明係補鑊喇！
