政情：公民講場：泛民拉得太緊黃國健剪布求生

立法會建制派早前提出多項修改立法會《議事規則》嘅建議，希望杜絕拉布，民主派揚言會用盡一切方法阻撓。激進泛民議員陳志全尋日喺電台表示，佢哋以點人數等方式拉布並非「唔乖」，只係有時建制派逼得太緊，搞到連最溫和嘅民主派都加入拉布行列。工聯會議員黃國健反駁，要求「剪布」並非撩交打，而係因為拉布近年已成為常態，令政府同建制派都抖不過氣來，佢哋只係想解開頸上嘅繩嚟求生啫。