政情：陳家珮孖oppa帶團遊韓
韓劇咁盛行，令到唔少港人都鍾意去南韓旅遊，南區區議員陳家珮（Judy）都好鍾意去韓國玩，佢之前仲有帶團去韓國添。Judy話，嗰次帶團唔止有領隊同導遊，仲有兩個oppa哥哥幫手，氹到啲團友勁開心。
好多人就算唔識韓文，韓劇睇得多都知叫當地嘅男仔做oppa。Judy早前帶團去韓國，除咗有導遊同領隊外，就有兩個oppa幫手，啲團友勁開心。Judy話，因為韓國經濟唔係咁好，為咗令到多啲人有嘢做，旅行團都有兩個oppa跟班，幫手拎吓行李、扶團友上落車同影吓相，服務相當周到。雖然要畀錢先可以買番影嘅相，但啲團友都唔係咁介意，個個都玩得好開心。
狂掃面膜搞到行李超重
Judy除咗鍾意去韓國玩，都同好多港女一樣會狂掃面膜等護膚品，仲試過買到行李超重。不過佢話，後來發現啲面膜用咗幾年都用唔晒，所以依家學精咗，唔再瘋狂買嘢喇。