80後髮型師 為長者「義剪」

「我細細個就好關注全家人的髮型，會管媽媽髮型，叫佢唔好剪短，唔好電曲」，Teresa在中學時期不理親友反對，堅持在髮型屋當兼職洗頭妹，由低做起，中五畢業即轉全職，磨練六年終於榮升為正式的髮型師。「髮型師行業畀人感覺好頹，係流氓，讀唔成書，壞女先去做……我覺得唔係囉，我真係好鍾意髮型師工作」。Teresa已投身髮型行業十九年。

受外婆啟發 展新方向

自小由外婆照顧的Teresa，眼見外婆一次跌倒後不便外出剪髮，便開始為外婆剪髮，亦展開其「義剪」之路。最初聯絡社會福利署義務為行動不便的安老院長者剪髮，現時會上門為行動不便的獨居長者義剪。「我覺得幫到人，又幫到自己，幫啲公公婆婆剪完頭髮，見到佢哋好開心，都有幸福嘅感覺」。

助人自助 學徒尋目標

Teresa現透過義務理髮團隊「易剪義」旗下的「友‧師傅髮展計劃」收納學徒，廿五歲的Man是其中學員，Man坦言中四輟學後過着很「頹」的生活，終日無所事事，「打機、踢波又一日，唔知自己做咩」，曾當過兼職倉務員和餐廳雜工，直至二十歲開始當洗頭仔，跟隨Teresa學習，近月開始參加義剪，已兩次為長者義剪，「好多公公婆婆年紀大，唔太行得，可幫佢哋解決煩惱，我從中搵到成功感，覺得幾好」。

現年八十八歲的婆婆葉潤，十年前因關節退化進行換膝蓋手術，近年因腳痛鮮有外出。葉潤獲安排上門義剪，在剪髮過程中，她不時呻「隻腳好痛呀，平時要人哋得閒先同我去剪，好唔方便」，剪髮結束後，她開心地豎起手指公說：「very good（非常好）」、「好手勢呀」。