立法會尋日辯論施政報告致謝動議時，多名議員關注交通政策，其中航運交通界議員易志明批評政府增加泊車位進展緩慢，但警方就濫抄牌，喺夜闌人靜及颱風襲港期間亦照抄不誤，要求警方檢討，否則會官逼民反。香港一向車多泊位少，但係政府及車主都一於少理，導致車輛增長快過車位，搵唔到停車位係常識。之不過車主如果因此而大條道理亂泊車，仲反咬警方亂抄牌，係咪是非不分呢？
