政情：應耀康教過李美嫦唱校歌

係中學師兄妹

李美嫦又話，唔少政務官同佢一樣都係讀荃灣官立中學，除咗應耀康之外，勞工及福利局常任秘書長張琼瑤、食物環境衞生署署長劉利群都係校友。佢仲大爆應耀康當年做過男總領袖生，教過佢唱校歌，笑指係喺應耀康嘅啟蒙下長大。

講起中學點滴，李美嫦就話件校服裙係綠白格仔裙，當年鍾意喺條裙外邊着多件背心冷衫，覺得咁樣好睇啲，就算好熱都照着喎。