中環出更：羅智光甩轆 鄭松泰當姚松炎
公務員事務局局長羅智光嘅名字，同勞工及福利事務局局長羅致光極相似，兩人亦因此常被混淆，引起唔少誤會。經常被人誤會得多嘅羅智光，尋晚喺立法會上亦有甩轆，喺發言期間將熱血公民鄭松泰，誤以為係已被取消立法會議員資格嘅姚松炎，可笑嘅係佢未有發現自己出錯添！
立會發言完都冇糾正
事緣鄭松泰喺發言時批評施政報告中所設立嘅公務員學院淪為洗腦工具，甚至形容為「黨校」。羅智光喺總結發言時欲反駁，但就講成「議員姚松炎」，直至發言完畢也未有作出糾正。鄭松泰和姚松炎兩人，雖然名字同樣有「松」字，但姚松炎已被取消資格，十月份立法會復會後已不在會議廳。
羅智光又話，議員擔心公務員學院會淪為洗腦工具和「黨校」係杞人憂天嘅講法，又批評係低估咗公務員嘅獨立性、批判性和思考能力，指任何負面評論均係「莫須有」，希望議員不要戴有色眼鏡看待。
卓妮