做人最緊要有自知之明，知所進退，過咗氣嘅政壇舊電池，最好都係含飴弄孫，享吓清福，否則好似人稱民主阿婆嘅陳方安生咁，不甘寂寞，搞風搞雨，點知出盡周身法寶都係冇人理，盞自取其辱嘅咋！
呢，港大民意研究計劃最近訪問一千名市民，了解佢哋心目中十大最熟悉本港政治人物，上次已經敬陪末席嘅民主阿婆今次繼續尋底，跌到去第十五位。反而新進小漢奸黃之鋒卻打入十大，進佔第九位。
呢個結果一啲都唔出奇，正所謂長江後浪推前浪，一代新奴換舊奴，民主阿婆同李漢奸之流老態龍鍾，髮脫齒搖，一早同時代脫節，失去人氣之餘亦失去被利用價值，洋主子都係時候推陳出新，捧啲新人出嚟嘞。好似黃之鋒呢班嫩口嘅，唔單止崇洋媚外，毫無國家民族觀念，而且毫不錫身，連拋個身出嚟坐監「讓人生更精彩」都制，洋主子自然青眼有加，甚至不惜吹捧為「思想家」，恩寵之隆可見一斑。
古人話齋：色衰而愛弛，愛弛而恩絕，換轉你係皇帝都會寵幸個年輕貌美嘅喇，可惜民主阿婆似乎唔明呢個道理，佢同李漢奸硬係涎住老臉，拖住寒腿，年年山長水遠走去英美唱衰中港，但獲接見嘅官員層級卻一次比一次低，佢多次埋怨英國冇對香港盡「道義責任」，其實只不過係政治怨婦向主子邀寵不遂，一哭二鬧咁解啫。
講到呢度，功夫茶不期然諗起本地一位老牌女藝人，每逢動漫節又或者哈囉喂，扮鬼扮馬例必唔少得佢嗰份，惹笑得嚟都有唔少忠實粉絲；反觀民主阿婆博出位嘅熱誠同努力不遑多讓，但觀眾反應卻輸足九條街，好似佢年前喺港大開壇演講，以為全院滿座喇，點知連小貓三四隻都冇，「不足法定人數」咯喎，結果咪惟有黑面離場囉。
話時話，民主阿婆為咗呃like刷存在感，早就無所不用其極，連前特首曾蔭權收受利益罪單畸士佢都加把嘴，話希望特區政府就此罷手喎，喂，乜佢唔驚畀人話妨礙司法公正嘅咩？
然則民主阿婆博反彈係咪真係無計呢？知名教授近日「手機支付叫雞」論一出，語驚四座，如果呢幾日舉行「十大最熟悉學者」評選，此公認第二肯定冇人敢認第一。呢單嘢話畀大家知，有noise總好過冇noise，壞名聲都係名聲，如果唔係拉登都唔會當選雜誌年度風雲人物喇。有人建議民主阿婆可以效法外國嘅「蕩婦遊行」，人哋示威者特登穿着暴露控訴性暴力，佢亦可以照辦煮碗，抗議被洋主子始亂終棄，吸睛程度話唔定完勝老牌女藝人！