政情：宣布腰斬毅行者 黃偉綸：難過出席立會

玩過4年 因斷腳筋而停

Michael話早喺九一年就參加毅行者，其後再連續三年參加，但佢就大嘆要「行得及時」，事關佢曾經因踩滾軸溜冰而整斷腳筋，所以自九四年起就冇玩嘞。

雖然多年無參加，但Michael繼續以義工身份參與，其中二○○○年更成為其中一個檢查站嘅指揮官。佢透露，當年起步天氣良好，所以大部分參加者早就卸下行李減輕負擔，點知天氣突然變差而搞到裝備不足，當時佢憑曾經做過義勇軍嘅經驗，發現參加者出現低溫症早期徵狀，就即刻建議腰斬活動。

佢形容當年宣布腰斬比去立法會仲困難，因為該檢查站後面就係落山路段，參加者會相對輕鬆。好彩佢有參加過毅行者嘅經驗，先能夠順利說服參加者咁話。