4單身男心太軟簽美容巨額帳單

涉事美容院於銅鑼灣及尖沙咀有分店，投訴人指該美容院曾改名經營，有前科被指出動俊男氹女士買療程。海關上周五（20日）以涉嫌用不良營商手法欺騙顧客，拘捕相關美容院三名職員。

無事獻殷勤氹落疊

民主黨議員袁海文昨指出，接獲的九宗投訴共涉及金額三十萬元，四名單身男遭女中介精心部署，透過Facebook等社交媒體互相了解「做朋友」，期間女方施多項「冧功」，包括無事獻殷勤，「女仔話學緊整嘢食，問男仔想食咩」；又不斷稱讚男方，「係唔係都讚」。港男初時有戒心，但最終心軟。

職員游說萬元療程

自稱擁有大專學歷、現職文員的A先生昨透露，女中介上月向他提出Facebook交友邀請，「我份人無乜所謂，咪接受邀請」，豈料對方極度熱情，「話整心太軟畀我食，我本身唔想理佢，但佢繼續冧我」。對方又自稱設計師，不時分享畫作，令他信以為真，終於本月應邀食飯，「點知飯都未食，佢扮可憐話畀人放飛機，想我陪佢去美容院」。到達美容院，職員大讚A先生似韓星，游說他做療程，「話就話五百幾蚊，做完就話一千三百八十八蚊」。職員及女中介又乘勝追擊，指當日有療程優惠，「女中介叫我當陪朋友，一齊做」。A先生終同意購下一萬元療程，並預繳一半費用。A先生事後回想感覺不妥，已向消委會投訴。

袁海文認為，女中介與美容院有利益輸送，批評行為可恥，要求美容院立即退款，並建議各苦主向海關、消委會投訴。