政情：公民講場：陳健波叫定十字車 開會順暢又快樂

立法會財務委員會主席陳健波（波哥）推出主席指示，今日財委會率先推出當表決鐘聲響起後，辯論時間由三分鐘縮短至一分鐘。波哥話知道泛民會反佢枱，佢會將張枱擺番正，仲有多手準備，包括準備二號會議室同會議廳繼續開會，又會加強保安，仲會「叫定十字車」，以準備有人聲稱受傷時，救護員可即刻「執起佢」，「我主持就好快樂嘞」，因為個會可以開得暢順啲喎，仲話「你諗吓，如果有個人攤喺度，你繼續開會嘅話，係咪好無良先」。講真嗰句，會議暢順點止波哥快樂吖，全港市民都好快樂啦！