劈車男猝死或涉藥物 逾10漢油麻地路祭

喪生男子姓陳（卅四歲），有黑社會背景。前晚八時許，陳衝出彌敦道與加士居道交界，揮動卅厘米長菜刀向停於燈位的小巴亂劈，又拉扯其左邊倒後鏡，追逐干擾私家車、的士和九巴。陳一度躺地，復起身跑入彌敦道平安大樓，棄菜刀及進入士多搗亂。巴士上一名休班警落車尾隨追至，與途人及士多東主，合力將陳按地制服。巡警接報趕抵時，陳陷入昏迷，由救護車送院後證實死亡，十多名大漢趕到醫院了解。

毒理化驗及剖屍確定死因

警方封鎖士多調查，陳無表面傷痕，死因需毒理化驗及剖屍確定。案件列刑事毀壞、藏有攻擊性武器及被警方羈留人士死亡，交油尖警區刑事調查隊跟進，警方呼籲市民提供消息。昨午二時許，十多名黑衣大漢於平安大樓甘肅街出入口路祭。

姓梁士多東主憶述：「冇見過呢個人，佢都傻傻哋，神志唔係好清，食嘢食到自己做乜都唔知，佢推跌咗啲生果，損失幾百蚊。」梁又謂：「初時以為佢想搞我啲嘢搗亂，後尾入嚟啲人話佢喺出面斬車，佢攞住我士多條木梯係咁舞，我驚佢撞爛玻璃，即刻扶住條梯，跟住個休班警同佢講『唔好郁』，咁大家一齊將佢制服。」梁又指，店內裝有閉路電視，片段交給警方調查。

被劈小巴司機姓黃（六十一歲）稱「佢叫我開門，我梗係唔開啦，佢跟住用刀背係咁扑、扑、扑我架車六、七下，大約維持咗一、兩分鐘，倒後鏡亦歪咗，我梗係好驚」。黃又稱，幸當時沒有乘客，但敲打聲音好響，他感到驚慌，不敢開門。