話說港隊上個禮拜四喺旺角大球場主場迎戰老撾嘅國際友誼賽，賽前奏播國歌嗰陣，部分球迷報以噓聲。港隊今晚會喺大球場上演嘅亞洲盃外圍賽迎戰馬來西亞，爭取小組出線權。足總副主席貝鈞奇尋日就呼籲支持港隊嘅球迷唔好噓國歌，因港隊同足總已有被罰前科，若果今晚再有球迷噓國歌，最嚴重後果係港隊被扣分甚至判輸，對任何一方都係百害無一利。即係再噓國歌，可能撐港隊變咗害港隊，貝鈞奇苦口婆心咁勸班球迷，唔知有冇人聽佢支笛呢？
