政府表明本月二十五日喺立法會提出高鐵「一地兩檢」方案嘅無約束力動議，泛民主派表明反對方案，早前又同民間及學生團體成立一地兩檢關注組，建議喺內地設立口岸，仲話會喺表決時提出相關嘅建議，至於會唔會拉布就未定。關注組召集人、公民黨議員陳淑莊鬧政府逼立法會通過一個未獲民意授權嘅方案，但鬧還鬧，現實係政府提出嘅動議只需過半議員支持就可以通過，泛民只有二十二人，點計都唔夠票阻動議通過喇！
